iOS 9-ի վերջնական տարբերակը կթողարկվի սեպտեմբերի 16-ին: Երկար սպասված ՕՀ-ին սպասում են միլիոնավոր օգտատերեր՝ աշխարհի տարբեր անկյուններից, սակայն քչերն են նախապատրաստում իրենց սարքավորումները՝ անցմանը դեպի նոր օպերացիոն համակարգ։
Ստուգել համատեղելիությունը
iOS 9-ի հետ համատեղ սարքերի ցուցակը հրապարակվել էր դեռ հունիսին՝ ՕՀ-ի առաջին թեստային տարբերակի ներկայացման ժամանակ։ Բոլոր iOS 8-ով աշխատող սարքավորումները համատեղելի են նաև iOS 9-ի հետ։
iPhone:
- iPhone 6 Plus
- iPhone 6
- iPhone 5s
- iPhone 5c
- iPhone 5
- iPhone 4s
iPad:
- iPad Air 2
- iPad Air
- iPad 4
- iPad 3
- iPad 2
- iPad mini 3
- iPad mini 2
- iPad mini
iPod:
- iPod touch 6G
- iPod touch 5G
Ցանկում կարող եք տեսնել արդեն «հնացած» iPhone 4S-ը և iPad mini-ն։ Որոշ օգտատերեր չեն ցանկանում թարմացնել iOS-ը՝ վախենալով սարքավորման աշխատանքի հետ խնդիրներից։ Սակայն ամենևին էլ պետք չէ խուսափել թարմացումից, ավելին՝ թարմացումն անհրաժեշտ է, քանի որ iOS 9-ի ստեղծման գլխավոր խնդիրներից մեկը եղել է հին սարքավորումների արդյունավետության բարելավումը։ Apple-ը ցանկացել է լուծել ՕՀ-ի արագության հետ կապված բոլոր խնդիրները։
Մաքրել սարքը և ազատել տարածություն
iOS 9-ը տեղադրելու համար անհրաժեշտ է ընդամենը 1.3 GB ազատ տարածություն, ի տարբերություն iOS 7-ի և iOS 8-ի, որոնք զբաղեցնում են գրեթե 4 GB տարածություն։ Առաջին հերթին իմաստ կա հրաժեշտ տալ բոլոր այն հավելվածներին, որոնք չեք օգտագործում։ Իհարկե սա պարտադիր չէ, սակայն ոչինչ չի խանգարում թարմացումից առաջ տարածություն ազատել սարքավորման մեջ։
Պահպանել SHSH blobs-ները
SHSH blobs թվային «սերտիֆիկատների» պահպանումը այդքան էլ կարևոր չէ, սակայն խորհուրդ է տրվում հատկապես այն մարդկանց, ովքեր, հնարավոր է, հետագայում ցանկանան հետ անցնել iOS 8-ի։ Որպեսզի պահպանեք SHSH Blobs-ը համակարգչի մեջ, անհրաժեշտ է ներբեռնել TinyUmbrella ծրագիրը։
