Կալիֆորնիայում մարտի 21–ին հատուկ միջոցառման շրջանակներում կայացավ Apple-ի նոր գաջեթների շնորհանդեսը: Ընկերությունը ներկայացրեց երկար սպասված iPhone SE սմարթֆոնը։
Ամիսներ շարունակ լուրեր էին պտտվում (գաղտնի և ոչ պաշտոնական աղբյուրներից) նոր սարքի հնարավոր թողարկման մասին: Խոսակցություններ կային, որ նոր մոդելը կրելու է iPhone SE անունը (դա առիթ էր դարձել համացանցում ակտիվ քննարկման համար). ավելի ուշ այն հաստատվեց շնորհանդեսի ժամանակ։ Բազմամիլիոնանոց երկրպագուների մոտ հարց էր առաջացել` ի՞նչ է նշանակում SE հապավումը: Apple-ը հատուկ միջոցառման շրջանակներում տեղեկացրեց, որ «SE» նշանակում է՝ Special Edition։ Արտաքնապես այն նման է iPhone 5s–ին, սակայն ի տարբերություն վերջինիս` SE-ն անփայլ է։ Այն վաճառքի կհանվի ոսկեգույն, արծաթագույն, ոսկե-վարդագույն և մոխրագույն գույներով։
1. 3D Touch էկրանի բացակայություն
Apple–ն իր շնորհանդեսի ընթացքում նախընտրեց լռել iPhone SE-ի` 3D Touch էկրան չունենալու մասին։ 3D Touch էկրանի շնորհիվ հնարավոր կլիներ մատների տարբեր ուժգնությամբ կատարել տարբեր գործողություններ, այնպես, ինչպես iPhone 6s–ում է։
2. Առաջին սերնդի Touch ID սկաներ
Ցավոք` iPhone SE–ն իր մեջ ներառել է առաջին սերնդի Touch ID մատնահետքերի սկաներ, ճիշտ այնպիսին, ինչպիսին iPhone 5s–ում է։
3. 2 GB օպերատիվ հիշողություն (RAM)
Նոր iPhone–ում RAM–ի ծավալը չի նշվել թե՛ պաշտոնական շնորհանդեսի ժամանակ, թե՛ Apple–ի պաշտոնական կայքում: Ի սկզբանե ենթադրվում էր, որ սմարթֆոնում օգտագործվում է 1 GB օպերատիվ հիշողություն (քանի որ դա շատ բնորոշ կլիներ/կհամապատասխաներ Apple–ի քաղաքականությանը), սակայն, AnTuTu բենչմարքի (հաշվիչ համակարգի արագագործությունը որոշող ծրագիր) տվյալներիը ցույց են տվել, որ iPhone SE–ն ունի 2 GB օպերատիվ հիշողություն։
4. Ռեկորդային կատարողականություն (производительность)
iPhone SE–ի կատարողականությունը, իրոք, շատ բարձր է: Բենչմարքերը ցույց են տվել, որ ներկայումս iPhone SE–ն ամենաարագագործն է սմարթֆոնների շուկայում։ AnTuTu արագագործությունը չափող ծրագրում նոր iPhone–ը ցույց է տվել 134.358 միավոր: Այսպիսով, iPhone SE–ն իր արագությամբ գերազանցել է ոչ միայն iPhone 6–ին և iPhone 6 Plus–ին իրենց 80.000 միավորով, այլ` iPhone 6S–ին և iPhone 6S Plus–ին, որոնց միջին արդյունքը 132.500 միավոր է: Ավելին` Apple–ի նոր` կոմպակտ սմարթֆոնը ապացուցեց, որ շատ ավելի հզոր ու արագագործ է, քան նախորդ ամսվա վերջին ներկայացված Samsung Galaxy S7–ը։
iPhone SE–ն iPhone 5s–ի գերհզոր տարբերակն է։ Տեսախցիկները, կոճակները, միակցիչները և Touch ID սկաները մնացել են նույն տեղում, այնպես, ինչպես 4 դյույմանոց iPhone–ներում: Այսպիսով, դուք կարող եք օգտագործել/ձեռք բերել պատյաններ և բազմաթիվ այլ աքսեսուարներ, որոնք նախատեսված են iPhone 5/5s–ի համար։
6. Բարոմետրի բացակայություն
Նոր iPhone–ը հագեցած է M9 պրոցեսորով, սակայն զրկված է բարոմետրից։ Բարոմետրը մթնոլորտային ճնշումը չափելու սարք է։ Այն թույլ է տալիս հետևել մարդու գործունեությանը, իմանալ, թե օգտվողը ծովի մակարդակից քանի մետր բարձրության վրա է գտնվում, որքան է բարձրացել աստիճաններով, որ հարկում է գտնվում, և այլն (առանց GPS համակարգի ներգրավման)։
7. Ավելի լավ մարտկոց, քան iPhone 6s–ում
Ի տարբերություն նախորդ մոդելների` iPhone SE–ում մարտկոցի օգտագործման տևողությունը ավելի երկար է։ Համեմատության համար կարող եք դիտել գրաֆիկը, որտեղ ներկայացված են iPhone–ի 3 մոդելների մարտկոցների օգտագործման տևողությունները։
iPhone SE–ի նախնական պատվերները Apple-ն ընդունում է մարտի 24-ից։ Նոր մոդելը վաճառքի կհանվի մարտի 31-ից, իսկ արդեն մայիսին այն հասանելի կլինի ավելի քան 100 երկրներում։
