Microsoft-ը ներկայացրել է Windows 10 օպերացիոն համակարգը, Spartan բրաուզերը, Cortana ձայնային օգնականը և HoloLens ակնոցը

Ամերիկյան Microsoft ընկերությունը ներկայացրել է Windows օպերացիոն համակարգերի նոր տարբերակը, որը կոչել է Windows 10:

Windows 10 օպերացիոն համակարգը Microsoft Windows ընտանիքի հերթական տարբերակն է։ Ցուցադրվել է 2014 թվականի սեպտեմբերի 30–ին և 2015 թվականի հունվարի 21–ին։ Windows 7–ի, 8–ի, 8.1–ի և Windows Phone 8.1–ի օգտատերերի համար թարմացումը (upgrade) մինչև Windows 10–ի կլինի անվճար:

Ընկերությունը ներկայացրել է նաև Cortana ձայնային օգնականը

Այս նախագիծը մշակվում էր վերջին մի քանի տարիների ընթացքում: Որպես հիմնական որոնողական համակարգ Cortana–ն օգտագործում է Bing–ը: Microsoft–ի խոսքով, Cortana–ն ստեղծվել է՝ հիմնվելով իրական մարդ–օգնական հարաբերությունների վրա: Cortana–ն «նոթատետր է», որտեղ հնարավոր է պահպանել անհրաժեշտ ամբողջ ինֆորմացիան՝ սկսած անձնական տվյալներից մինչև հաճախ այցելող վայրեր:

Ներկայացվել է նաև նոր` Spartan բրաուզերը

Այն աշխատում է Windows 10 ՕՀ-ով բոլոր սարքերի վրա (PC, սմարթֆոն, պլանշետ)։ Spartan–ը իր մեջ ներառում է մի շարք նոր ու օգտակար ֆունկցիաներ, օրինակ` բրաուզերի էջին նշումներ անելու հնարավորություն, html կոդը կարդալու նոր ռեժիմ` առանց ավելորդ էլեմենտների, գովազդների և վրիպակների, սահուն աշխատանք և այլն։ Բրաուզերում ներմուծված է նաև Cortana վիրտուալ օգնականը և OneDrive ծառայությունը։

Microsoft–ը ցուցադրել է նաև HoloLens ակնոցը

Այն թույլ է տալիս համագործակցել վիրտուալ օբյեկտների հետ իրական աշխարհում: Ակնոցը հնարավոր է օգտագործել ինչպես խաղերում, այնպես էլ տարբեր 3D օբյեկտների հետ աշխատանքում: Բացի պրոցեսորից (CPU) և վիդեոարագացուցիչից (GPU)` HoloLens-ում տեղադրվել է նաև երրորդ տարր՝ HPU (Holographic Perfomance Unit)։