WWDC 2015-ի շրջանակներում Apple ընկերությունը պաշտոնապես ներկայացրեց iOS 9 բջջային օպերացիոն համակարգի թեստային տարբերակը: Այն համալրվել է մի շարք նոր հնարավորություններով։
Վերջնական տարբերակի նախաշեմին կփորձենք ինֆորմացնել օգտատերերին՝ iOS 9-ի թաքնված հնարավորությունների և ֆունկցիաների մասին։ iOS 9-ը տեղադրելու համար անհրաժեշտ է ընդամենը 1.3GB ազատ տարածություն, ի տարբերություն iOS 7-ի և iOS 8-ի, որոնք զբաղեցնում են գրեթե 4GB տարածություն։
Ֆունկցիա՝ նամակներին արագ պատասխանելու համար (բոլոր հավելվածներում)
iOS 9-ում հնարավոր կլինի պատասխանել նամակներին ցանկացած վայրից՝ առանց մուտք գործելու հավելված։
Մանրամասներ՝ մարտկոցի սպառման մասին
Այժմ կարգավորումներ բաժնում հասանելի է մարտկոցի սպառման և աշխատանքի մասին մանրամասն մենյու։
Նոր հավելված՝ iCloud Drive
iOS 9-ում Apple-ն ավելացրել է iCloud Drive-ը։ Այն ամբողջական հավելված է՝ ֆայլերի հետ աշխատելու համար։ Վերջնական տարբերակի թողարկումից հետո ծառայությունն էլ ավելի ֆունկցիոնալ կդառնա։
Ընդլայնված որոնում՝ կարգավորումներում
iOS 9-ը թույլ է տալիս արագ գտնել անհրաժեշտ կարգավորումները՝ ներկառուցված նոր որոնման համակարգի շնորհիվ։
Փոքրատառեր
iOS 9-ում, ստեղնաշարի վրա, այժմ կան նաև փոքրատառեր։ Մինչև iOS 8՝ Apple-ի բոլոր օպերացիոն համակարգերում տառերը միայն մեծատառ էին, ինչը շփոթություն էր ստեղծում հատկապես տարեց օգտատերերի մոտ։
Անջատել փոքրատառերը
Փոքրատառերն անջատելու համար անհրաժեշտ է կարգավորումներից մտնել Универсальный доступ մենյուն, այնուհետև ստեղնաշարերի բաժնից անջատել «Клавиши в нижнем регистре» կետը։
Արագ scroll՝ լուսանկարներում
Բացեք ցանկացած լուսանկար և էկրանի ներքևի հատվածում կնկատեք մատնապատկերներից կազմված ժապավեն։ Շարժեք այն աջ կամ ձախ, որպեսզի արագ թերթեք նկարները։
Արագ վերադարձ նախորդ հավելվածին
iOS 9-ում հավելվածների ձախ անկյունում ավեալցել է նոր կոճակ՝ «Back to ...»։ Այժմ անցումը մեկ հավելվածից մյուցին հնարավոր է մեկ հպումով։
Տեսահոլովակի մասշտաբավորում
iOS 9-ում տեսահոլովակներ դիտելիս հնարավոր է ուզած չափով մոտեցնել պատկերը, օգտագործելով 2 մատներով ժեստը (pinch to zoom)։
Կցորդիների տեղադրում Mail-ում
Mail հավելվածը iOS 9-ում թույլ է տալիս տեղադրել ցանկացած կցորդներ: Անհրաժեշտ է միայն մատը սեղմած պահել դատարկ դաշտում։
Ֆայլերի պահպանում iCloud Drive-ում
Mail հավելվածը սովորել է պահպանել ցանկացած ֆորմատի ֆայլեր՝ ստանդարտ ամպային ծառայությունում։ Այժմ iPhone-ի և iPad-ի օգտատերերին ոչինչ չի խանգարում պահպանել և փոփոխել ֆայլերը iCloud Drive-ում։
Թաքցնել մի քանի լուսանկար միանգամից
Նկարների հավելվածը iOS 9-ում թույլ է տալիս թաքցնել միանգամից մի քանի լուսանկարներ: Ընտրում եք նկարները, և սեղմում «Скрыть»։
Միացնել LED լուսարձակիչը տեսաձայնագրման ընթացքում
Տեսախցիկի հավելվածում արդեն հնարավոր է միացնել LED լուսարձակիչը, երբ նկարահանում եք տեսահոլովակ։
Ուղարկել ավելի քան 5 լուսանկար՝ փոստով
Mail հավելվածը այժմ կարող է ուղարկել ավելի քան 5 լուսանկար միանգամից։ Apple-ը հանել է այդ սահմանափակումը iOS 9-ում։
Ինքնապտտման կողպման փոխարեն՝ ձայնի անջատում
Նշել միանգամից մի քանի լուսանկար
Apple-ն ավելացրել է նոր ժեստ՝ մի քանի լուսանկար միանգամից ընտրելու համար։ Պարզապես անհրաժեշտ է մատը սեղմած պահել պատկերների վրա և սահեցնել։
«Մեկնաբանել» նկարները Mail հավելվածում
«Ավտոկողպման» նոր ինտերվալ՝ 30 վայրկյան
Շատերի կողմից սպասված ֆունկցիա։ Այն հասանելի է կարգավորումների «Основные» բաժնում։
Կլոր կոճակներ
Apple-ի դիզայներները iOS 9-ում որոշակի փոփոխություններ են կատարել։ Այժմ կոճակները կլորացված անկյուններ ունեն։
Նոր ստանդարտ widget՝ մարտկոցի մասին ինֆորմացիայով
iOS 9-ում ավելացել է widget, որը ցույց է տալիս բջջային սարքի և Apple Watch-ի մարտկոցի տոկոսային մակարդակը։
Նոր ստանդարտ հավելվածներ
iOS 9-ում ավելացել են 3 հավելվածներ, որոնց տեղադրումը նախկինում ըստ ցանկության էր։ Դրանք են՝ Find my Friends-ը, Find my iPhone-ը և iCloud Drive-ը։
