2015–ի լավագույն բջջային հավելվածները

2015 թվականին թողարկվեցին բավականին հետաքրքիր և ուշագրավ բջջային հավելվածներ։ Դրանք ներբեռնվեցին տասնյակ միլիոնավոր անգամներ, սիրվեցին և արժանացան բարձր վարկանիշի։ Ստորև ներկայացնում ենք նրանցից լավագույններին։

Shadowmatic

Shadowmatic–ը ստեղծվել է հայկական Triada Studio–ի կողմից և մեծ ճանաչում ստացել ամբողջ աշխարհում։ Shadowmatic-ը 3D գլուխկոտրուկ է, որտեղ անհրաժեշտ է գտնել ստվերում թաքնված ուրվագծերը։ Խաղացողը պատին գցված լույսի շողքում պետք է պտտի եռաչափ աբստրակտ օբյեկտները և դրանց ստվերներով ստանա որևէ պատկեր։

Shadowmatic–ը 2015 թվականի հունիսին արժանացավ Apple Design Award մրցանակի, մայիսին` DevGAMM 2015 Awards մրցանակաբաշխությանը հաղթող ճանաչվեց երկու անվանակարգում` Excellence in Visual Art և Media Choice Award, իսկ դեկտեմբերին ճանաչվեց App Store–ի տարվա լավագույն խաղ։

   

Google Photos

Google Photos` ամպային ծառայություն` Google ընկերության կողմից` ֆոտոների և վիդեոնեի համար։ Ամենալավ բանը, որ կարող էր առաջարկել Google ընկերությունը 21–րդ դարի երիտասարդներին` անսահմանափակ պահոց` նկարների և տեսանյութերի համար։

Periscope

Periscope–ը Twitter–ի կողմից հավելված է, որը թույլ է տալիս հաղորդել և դիտել ուղիղ վիդեո հեռարձակումներ անմիջապես ձեր սմարթֆոնից կամ պլանշետից։

Periscope–ը 2015–ի ամենաարագ աճող սոցիալական հարթակն էր, որը ներկայացվեց 2015 թվականի մարտի վերջին։ 2015 թվականի օգոստոսին հավելվածից օգտվողների թիվը գերազանցեց 10 միլիոնը։

Evernote Scannable

Evernote բջջային հավելվածների ընտանիքը նախորդ տարի համալրվեց ևս մեկ նոր և օգտակար հավելվածով։ Evernote Scannable–ը նախատեսված է փաստաթղթերի հետ աշխատելու համար, այն կարողանում է սկանավորել դոկումենտները 200 dpi թույլատվությամբ, պտտել, ուղղել  (ուղիղ գծի ընթացքով դասավորել) և օպտիմիզացնել` ներկայացնելով այն ընթերցելու համար առավել հարմար տեսքով։

Այցեքարտերը հնարավոր է անմիջապես փոխակերպել կոնտակտների։ Հավելվածը հնարավորություն է տալիս փաստաթղթերը ուղարկել էլեկտրոնային փոստով, SMS–ով, ինչպես նաև տպագրել AirPrint–ով։