Apple ընկերությունը ներկայացրել է MacBook-ի նոր մոդելը և Apple Watch-ը

Ամերիկյան Apple ընկերությունը Սան Ֆրանցիսկոյում Spring Forward միջոցառման շրջանակներում ներկայացրել է նոր MacBook-ը: 

Այն ունի 12 դյույմ անկյունագծով Retina էկրան և կշռում է 920 գրամ։ Հաստությունը 13.1 մմ է, որը 40%-ով ավելի բարակ է նախորդ մոդելից։ Բազային մոդելն ունի երկմիջուկ Intel Core M պրոցեսոր,  8 GB օպերատիվ հիշողություն և Intel HD 3500 գրաֆիկական քարտ։ Նոր Macbook-ը վաճառքի կհանվի հաջորդ ամիս՝ 3 գույներով` ոսկեգույն, արծաթագույն և մոխրագույն: Այն իր տեխնիկական նկարագրով գերազանցում է բոլոր նախորդ մոդելներին: Նոր MacBook-ում առաջին անգամ կօգտագործվի նորագույն USB-C պորտը։

Մարտկոցն էլ ավելի է հզորացել, այն թույլ կտա աշխատել մինչև 9 ժամ: Փոխվել է  նաև ստեղնաշարի մեխանիզմը, ուստի տպելն ավելի հեշտ ու հաճելի կլինի։

MacBook-ից բացի, ներկայացվել է նաև Apple Watch-ը

Ամենաառաջադեմ ժամացույցը թույլ կտա  հետևել սեփական առողջությանը, մարզական ակտիվությանը, կատարել զանգեր, ամրագրել տոմսեր և այլն։ Մարտկոցի կյանքը երկար է՝ մոտ 18 ժամ՝ անդադար օգտագործման դեպքում։ Apple Watch-ը վաճառքի կհանվի ապրիլի 24-ից։ Այն ներկայացվել է մի քանի մոդելներով, որոնց գները ևս տարբեր են։

Apple Watch Sport - $350-399

Apple Watch Collection - $549-1,049

Apple Watch Edition - $10,000 (պատրաստված է 18 կարատ սպիտակ և վարդագույն ոսկուց)